الخشوع في الصلاه

الخشوع في الصلاه :-
*******************************
أساليب الخشوع في الصلاه : -
-----------------------------------
1 ) إياك والمعـصيه :-
ده معادله بسيطه جدا عارف ايه هي :-
ذنب # خشوع يعني ذنب لا يساوي خشوع
وعلي فكره يا ريس
القلب عمره ما كان قاسي بطبيعته واحنا اللي عملناه كده وخليناه يبقي كده احنا كلنا كده مخلوقين من روح واحده والنفخه الالهيه واحده بس احنا اللي قسينا قلوبنا وخلنيها تبقي كده
وحط مقوله الراجل ده قدامك
كيف ترحل الي الله وهو مكبل بشهواتك
وكيف ترحل الي الله وانت غير متطهر من جنايه غفلاتك !!!!!!!!!!!!!!!!!

2 ) إحفظ شيء من القران وإعرف تفسيره وصل بيها وتدبر ما تقراه :-
عارف ليه لانها برضه معادل بسيطه وهي :-
كل ماتحفظ اكتر كل ما تفهم اكتر وكل وكل ما فرصتك في الخشوع تكتر
وعشان كده تلاقي نفسك في رمضان في قمه الخشوع عارف ليه مش لان رمضان شهر مفترج بس ولكن كمان لانك بتقرا قران كتير وبتمعن وبتفهم القران وايات القران وعشان كده لما الشيخ بييجي يقرا وانت بتصلي وراه بتكون بتعيط اول ما بيبدا قرائه لانك عارف ان الايات ده في بعدها ايات شديده وبتخليك ترتعش ووووو الخ
طيب ما هو اللي نعمله في رمضان نعمله في غير رمضان
ومش بنقول انك تحفظ البقره وتصلي بيها وكده لا انت فعلا لازم تحفظ البقره والمصحف كله وتبدا بالحفظ بس احنا بنقول هنا انك اكيد حافظ قل هو الله احد صح ؟؟؟ طيب انت عارف تفسيرها ؟؟؟ والله لو عرفت تفسيرها وتدبرته ده انت هاتحبها حب ؟؟؟؟ وهاتعشقها ويمكن تصلي بيها كل الفروض مش عشان هي قصيره لا لان معانيها كتييييييييييييره جدا
طيب انت عارف الرسول بعت مره سريه حرب ولما رجعت السريه قالوا للرسول ( ص ) ده الراجل اللي كان متولي امر السريه كان علي طول بيصلي بقل هو الله احد فقال لهم الرسول (ص) اسالوه ليه ؟؟؟؟
قال لهم ان هو بيحب قل هو الله احد وبيموت فيها وبيحب يصلي بيها
فالرسول قال ان الله بيحبه بسبب حبه لقل هو الله احد !!!!!!!!!!!!!!!!!!!!!!!!!!!

3 ) صلي في جماعه :-
انت عارف طبعا ان صلاه الجماعه احسن ب 27 درجه من انك تصلي لواحدك
بس احنا هنا بنقول انك تصلي في جماعه وتكون بتحب الامام اللي بتصلي وراه وبتحب تسمع القران منه لانك اذا حبيت سماع القران منه صعب تسيبه وتسرخ في حاجه تانيه .... انت عارف انك هاتيجي فتره عليك ومش هتكون عايز الشيخ يركع لانك حابب القران اللي بيقراه وانت عارف مثلا ان الايات اللي بعد كده جميله
مش تروح تصلي ورا امام بيمسك الصلاه في اربع دقايق والسلام وبيكروت الصلاه ويعني بيعمل فيها البدع وانت مش بتصلي وراه لا انت بتجري وراه وبتتعب بعد ما تخلص صلاه لانك بتكون بتنهج من الصلاه
بقه ده اسمه كلام !!!!!!!!!!!!!!!!!!!!!!!!!!!

4 ) افهم معني الصلاه :-
طيب وهي الصلاه ليها معني ؟؟؟ وحركات الصلاه لها معني ؟؟؟؟
اه ده الحركات بتاعت الصلاه ده لها انعكاسات ع القلب وعلي الخشوع بتاعك

طيب نمسكهم حاجه حاجه :-
الوضوء & القبله & التكبير & الركوع & الوقوف بعد الكوع & السجود وليه هما سجدتين & ..... الخ

اولا : الوضوء :-
انت عارف ان الوضوء ده بيغسلك من الذنوب ؟؟؟ عايز تتاكد تعال معايه : -
فيما معني الحديث عشان لو اخطات الحديث :-
إذا قام العبد فتوضا فغسل يديه خرجت الخطايا من يديه حتي تخرج من تحت اظافر يده
وإذا غسل تمضمض خرجت الخطايا من تحت لسانه وإذا غسل وجهه خرجت الذنوب من تحت اشفار عينيه وإذا مسح راسه خرجت منه حتي تخرج من نحت عينيه
وإذا غسل قدميه خرجت من تحت اظافر قدميه

ثانيا :- القبله :-
القبله يا مان مش بس انك تعدل السجاده اللي بتصلي عليها بس لا ده انت لازم تخلي قلبك برضه يتجه ناحيه القبله يعني ناحيه ربنا فلا يعقل ان يكون الجسد في ناحيه القبله وانت معرض عنها
ده انت لازم تعرف انك واقف ادام ربنا ولازم تخلص له.

ثالثا :- التكبير في الصلاه :-
ماسالتش نفسك ليه بتقول الله واكبر ؟ وليه مش بتقول سبحان الله ولا اي حاجه تانيه؟
الله اكبر يعني  انه يا رب مافيش اي حاجه اكبر منك . يا رب ولا مراتي ولا خطيبتي ولا اولادي ولا شغلي ولا اخواتي ولا اي شيء في الدنيا . واي شيء يل رب مهما كان كبير ومهم فانت اكبر يعني يا رب انك انت وحد الاكبر واللي تستحق العباده
ومش بس بالقول بس والكلام بس لا كمان لازم قلبك يقولها وكل ما تيجي تسرح في الصلاه تفتكر ان ربنا اكبر منه فترجع له بسرعه .
يا جدع ده انت في مقابله مع ربنا . يلا اقبل عليه لان الله اقبل عليك بوجهه وماتتلفتش عن وجهه لانك إذا التفت عنه اول مره ربنا ينادي عليك ويقول لك
أإلي خير مني تلتفت ؟؟؟؟ اوجدت خير مني تنظر اليه ؟؟؟؟؟
يااااااااااااااااااه ده عتاب شديييييييييييد ورقيييييييييييييييق
ده انت يا اخي لو في مدير عليك بيكامك بتقف كانك واقف في طبور جيش ومش قادر تحرك جفن عينيك لاحسن المدير يكلمك !!!!!!!! فما بالك بربنا ؟؟؟؟

انت عارف الله اكبر بتمنع الكبر واول ماتقولها بتكون واحد من اتنين :



A B
اما ان الله اكبر فعلا وهنا او ان الله اكبر مجرد كلمه
يبقي هاتبكي من الخشيه وبرضه هنا لازم تبكي لان القلب بتاعك
مات ولان القلب غير قادر علي العباده الخالصه

رابعا: قراه الفاتحه :-
لازم تقراها بخشوع وتدبر للايات عارف ليه ؟؟؟ لان ربنا بيرد عليك ... يا سلام هو ربنا ممكن يرد عليه وانا باصلي ؟؟؟؟ اه يا عم يرد عليكي تعال شوف :- لما تقول :-
* الحمد لله رب العالمين "ولازم تشعر بنعمه ربنا" لان ربنا بيرد عليك ويقول حمدني عبدي
* الرحمن الرحيم "ولازم تشعر برحمه ربنا " ربنا يقول مجدني عبدي
* مالك يوم الدين "ولازم تتذكر انك هاتقف بين يديه " ربنا يقول اثنا علي عبدي
* إياك نعبد واياك نستعين " تشعر انك مالكشي غيره وتطلب منه العون ربنا يقول هذا بيني وبين عبدي
* إهدنا الصراط .....الخ "تتوسل الي الله مش بس ليك لا لكل المؤمنين ربنا يرد هذا بيني وبين عبدي ولعبدي ما سأل !!!!!!!!!!!!!!!!!!!!!!!!!!!!!!
ها مش عايز تستمتع برد ربنا عليك ؟؟؟؟؟ مش عايز تسمع ولا حتي تحس بيه ؟؟؟؟؟

خامسا : قرأه سوره صغيره :-
تقراها بتدبر وتمعن وتخشع فيها
وهنا الناس 3 انواع تعال شوفن نفسك انت مين فيهم


1 2 3
واحد بيقرا بلسانه واحد بيقرا وقلبه غير حاضر واحد يقرا وقلبه يسمع الاول
وكانه بيسمع من غيره معه فيما يقرا وبعدين يقرا بلسانه

تعالي نشوفهم كده :-
* الاول بيقرا ولا هو هنا وكان واحد بيقرا له وهو بيسمع وحتي مش بيلحق يسمع
* التاني واحد بيقرا ولكن قلبه مش حاضر يعني يقرا كده من غير تدبر
* التالت بقه بيقف ورا الامام او حتي لوحده وهو بيرقا قلبه حاضر وقبل ما يقرا الايه بيكون خاشع بدليل اننا وإحنا واقفين ورا الامام وبيقرا في سوره ق انت بتقف وراه جسمك كله بيرتعد لانك عارف ان في أيه هاتيجي شديه وان في أيات هتخلي جسمك يرتعد

ها انت من فيهم ؟؟؟؟؟؟ الاول متهيا لي لا لان لو الاول مش هاتكون كويس
التاني برضه مش اوي
التالت يا ريييييييييييييييييييييييييييييييييييييييت

سادسا: الركوع :-
ليه بتقول سبحان الله العظيم ومش بتقول لا اله الا الله مثلا ؟؟؟؟؟
لان الانسان ده مش بيركع لاي حد غير ربنا ولان الانسان مش بيتزل لغير ربنا ولازم تقوله يا رب انت الاعظم عشان كده انا باركع لك في ذل وخشوع واتمني انك تقبلني عبدك !!!!!!!!!!!!!!!!!!!!!
ولما تيجي تقف من الركوع ليه بتقول سمع الله لمن حمده ومش بتقول الله اكبر ؟؟؟؟؟؟
لان الانسان وضعه الطبيعي وطبيعه جسمه انه يكون منتصب والجسم مفرود" بالبلدي كده "
وانت كنت وانت راكع جسمك مش واخد شكله الطبيعي وان لما تقف وجسمك ياخد وضعه الطبيعي لازم تحمد ربنا انه رجعك كما كنت وانه ماحكمشي عليك تكون كاي حيوان بتمشي علي ايدك ورجلك طول عمرك
يبقي لازم تحمده ولا لا ؟؟؟؟؟؟
انت عارف ان واحد صحابي قال بعد ما وقف من الكوع دعاء او بمعني اصح حمد ربنا تسابق 39 ملك عشان يكتبوا له التحميده ده !!!!!!!!!!!!!!!!!!!!! تخيل بقه !!!!!!!!!!!!!!!!!!!

سابعا : الســـجود :-
وانت بتحط راسك في الارض وانت بيبقه جبهتك كلها علي الارض ده مش زل ؟؟؟؟ لازم تشعر بحلاوه الذل ده !!!!!!!!!!!!!!!!!! طيب وهو الذل حلو ؟؟؟ لا الا في الموقف ده واي موقف تكون فيه مذلول لربنا !!!!!!!!!!!!!! مذلول لمن خلقك
وبالرغم من كده وانت ساجد بتكون قريب اوي اوي اوي من ربنا !!!!! ومش بس كده لا ده كمان بتكون دعوتك مستجابه يبقي تدعي ولا لا ؟؟؟؟ ليه تفوت الفرصه ده عليك ؟؟؟؟
طيب ليه بنسجد سجدتين ؟؟؟ ومش زي الركوع سجده واحده بس ؟؟؟؟
لان انت محتاج انك تتذل مرتين مش مره واحده لان وانت هاترفع راسك وتحس ان خلاص مكش مذلول لازم ترجع وتكسر نفسك وتقلها لا لازم اتذل تاني لربنا لازم ارجع له تاني ولازم تقول يا رب انت الاعلي اهه وانا الذليل وانت في السما وانا في الارض وان هاكون بعد شويه في بطن الارض وبعديها هاجيلك يا رب فاقبل ذلي ده وارحمني بيه يوم الحساب

ثامنا : التشـهد :-
لازم تقرا التشهد بتدبر ولازم تعرف ان اللي كون التشهد ده الرسول وربناوالملائكه وجبريل
ولازم فيها تسلم علي الرسول والملائكه وبمعني اشمل كل عباد الله الصالحين ولازم تشهد انه لا اله الا الله
وتقراها بتدبر وخشوع وتشعر بيها وبعدين تسلم
--------------------------------------------------------------------------------------

*****انت بقه بتعمل اي وسيله منهم ؟؟ اذا قلت لأ طب لأ ليه ؟؟؟ ولو قلت أه طيب مش بتخشع ليه ؟؟
اما لا فانت عندك الوسائل اهه وإبدا بيها والله يا بني لو الوسائل ده حسيت بيها هاتخشع 100%
ولو انت كنت عارفها وماخشعتش يبقه في حاجه في قلبك وانت مش بتصلي من قلبك وفي حاجه لازم تتصلح من جواك
ده يا اخي ربنا قال في القران :-
فويل للمصلين الذين هم عن صلاتهم ساهون !!!!!!!!!!!!!!
ده اللي بيسها عنها ويضيع وقتها وووووو الخ
وعشان كده انا هاقول لك علي انواع الناس في الصلاه وهي

الناس خمسه انواع بالصلاه هم :-
1 ) انسان مُضيَع وقتها & وضوئها واركانها الظاهره :-
بمعني ان هو بيصلي بس مش في وقت الصلاه يعني ياخرها عن وقتها يعني لو هايصلي الفجر يصليه قبل الظهر بخمس دقايق ولو الظهر يصليه قبل العصر بخمس دقتيق ..... الخ
اما الوضوء فهو بيتوضا ليس مسبغ لوضوئه ولا حاسس انه الذنوب بتنزل منه لما بيتوضا ولا عارف انه يوم القيامه هايسعس نوره بين ايديه ويحشر وعلامات الوضوء عليه ظاهره فهو يتوضا لانه لازم يتوضا مش لحاجه تانيه
والراجل ده بيبقه سقط عنه حساب الفريضه ( الصلاه ) لكن يعاقب يوم القيامه !!!!!!!!!!!!!!!!!!!!!!

2 ) انسان مُحافظ علي الوقت والوضوء والاركان بتاعتها وما فيش عنده خشوع
وده برضه بيحاسب حساب قوي لعدم خشوعه !!!!!!!!!!!!!!!!!!!!!!

3)مُحافظ علي وضوء ووقت واركان اما الخشوع فهو ما بين خاشع وغير خاشع :-
بمعني انه بين شيطان يدفعه لعدم الخشوع وبين اجتهاد ومحاوله الصلاه وإقبال علي الله
فهو هنا ما بين صلاه وجهاد وهنا هذا الرجل له اجران :-
• اجر الصلاه :- وده في الوقت اللي بيخشع فيه
• أجر الجهاد :- وده عندما يجاهد الشيطان عشان يرجع يخشع للصلاه

4 ) مُحافظ علي الوقت والوضوء والاركان والخشوع ومركز جامد في الصلاه وحاسس بيها وبمعانيها وبكل الايات اللي بيقراها !!!!!!!!!!!!!!!!!!!!!!!
انت عارف ده ايه ؟؟؟؟؟ ده اسمه حبيب الرحمن

5 ) مُحافظ علي الوقت والوضوء والاركان والخشوع ومخلص في صلاته لله واخلص قلبه لله واخرجه ووضعه بين يدي الله فخرج به وبنفسه من الدنيه ووقف بين يدي الله تارك ورائه كل شيء وكل غالي وثمين وهذا الرجل هو الذي جعلت قره عينه في الصلاه كما كان الرسول صلي الله عليه وسلم يقول
وجُعلت قره عيني الصلاه ........

ها انت انهي واحد في الناس ده ؟؟؟؟يمكن الاول ؟؟؟ التاني ؟؟؟ التالت ؟؟؟ الله اعلم
ده كل الوسائب بتاع الخشوع وده كل انواع اللي بيصلوا وانت حر يا ابني واللي عايز تعمله اعمله

********************************************
طيب بعد الكلام ده احنا لازم بعديها هانشوف نماذج لكام صحابي من اصحاب الرسول الكريم افضل الخلق اجمعين محمد (ص) ونشوف إزاي كانوا بيصلوا وخلي بالك مش هانتكلم عن سيدنا ابو بكر ولا عمر بن الخطاب ولا حد منهم عشان ماحدش يقول واحنا نروح لهم فين !!! ومش عارف ايه الاسباب الغريبه اللي بنبتدعها ده وبعدين نتكلم عن عقاب المتهاون في الصلاه
يمكن لما نقرا الحاجت ده قلبنا يخشع شويه بشويه
اولا :- نماذج من الصحابه وكيف كانوا يصلون : -
*******************************
1 ) حاتم الاصم :- هو احد العملاء المسلمين واحد المتخصصين في اصول الدين
سؤل عن كيفيه الصلاه فقال :-
اصلي وكان الكعبه بين عيني
والصراط تحت قدمي
والجنه عن يميني والنار عن شمالي
وملك الموت من خلفي
والرسول يتاملني
واكبر بتعظيم واقرا بتدبر واركع بتواضع واسجد بمزله واجمع في صلاتي بين الخوف من الله والرجاء في رحمه الله ثم اسلم وانا لا ادري اقبلت صلاتي ام لا !!!!!!!!!!!!!!!!!!!!!!!!

هو يهيأ كل الظروف ليصلي حتي لا يسرح في فكره فاذا سرح يتذكر ان كل هؤلا وتلك محيطين به فيرجع للصلاه !!!!!!!!!!!!!!!!!!!!!!!!!
بالله عليك هل انت مثله ؟؟؟؟ وهل انت افضل منه لانه لا يعرف هل قبلت الصلاه ام لا ؟؟؟؟

2 ) عمر بن الزبير :- هو احد الائمه
اصابه مرض في رجله وكان يجب بترها ويلزم لكي تبتر " تقطع " ان يشرب بعض من المخدر لكي لا يشعر بها وهي تقطع
" مع ملاحظه انه زمان كان مافيش عمليات جراحيه حديثه وكانت تقطع بالمنشار !!!!"
فرفض ان يشرب المخدر وقال انا اكفيكم فعضوا عليه ان يحضروا له رجال يمسكوه فقال انا اكفيكم
فقط اتركوني حتي اصلي فاذا صليت وركعت وخشعت وسجدت إبدأوا بقطع رجلي
وبالفعل بدأ يسجد وبدأوا هم بالقطع فاذا بهم لا يسمعون منه الا :-
لا اله الا الله وتسبيح لله وتحميد لله !!!!!!!!!!!!!!!!!!!!!
لكن عندما كثر الدم من رجله احضروا له ماء مغلي ليصبوه به فاذا به فقد الوعي وعندما استيقظ قال والله ما شعرت باي شيء حتي سكب الماء المغلي علي رجلي !!!!!!!!!!!!!!!!!!!!!!!!!

3) سيدنا علي ابن ابي طالب كرم الله وجهه :-
كان عندما يتاهب للصلاه كنت تجده في حاله غير حالته ؟؟؟؟ يصفر وجهه ويرتعد جسمه ويتغير كليا لانه يدخل مقابله مع ملك الملوك ويقابل الواحد الاحد ......
***********************************************************
يا جماعه والله احنا ممكن نتغير للاحسن بس نحاول من قلوبنا بجد ونسعي للافضل
طيب انا عايز واحد كده يرد عليه في السؤال ده :-
هو ليه سحره فرعون لما كانوا واقفين ضد سيدنا موسي والقصه المشهوره اللي تمت بينهم بعدها السحره لما امنوا وسجدوا لله وهم ساجدون راوا مكانهم في الجنه ؟؟؟؟
عارف ليه ؟؟؟؟
لانها اللحظه اللي امنوا فيها كانت لحظه صدق مع الله !!!!! وكان الايمان من القلب ومش كلام بس
ذي ما احنا بنعمل !!!!!!!!!!!!!!!!!!!!!
مؤمنين بالكلام بس !!!!!!!!!!!!!!!!!!!!!!!!!!!
ده اسمه كلام يا عالم
والله الكلام كله معاكم وانتوا اللي تقرروا براحتكم

اللهم بلغت اللهم فاشهد ،،،

بارك الله فيك وربنا يهدينا ويهديكم